Roteiro circular polo Val de Tomeza e Salcedo

Iniciamos este roteiro xusto no inicio da ruta do río Gafos, onde atopamos o cartel que nos informa do percorrido autoguiado polo Val de Tomeza e Salcedo, que consta de 14 quilómetros aproximadamente. Nos variámolo un pouco para facer por completo o dos Gafos ata o final, desviándonos en Figueirido ata enlazar de novo, feito que se produce na entrada 4: A Armada, segundo o panel informativo.

Internámonos no Espazo Natural e Arqueolóxico dos Sete camiños onde no imos atopar con unha gran cantidade de petróglifos.

Visitamos o Castro das Croas, que aínda que en agosto de 2014 iniciouse unha nova escavación, nesta data de hoxe, atópase cheo de vexetación e en mal estado.

No descenso atopámonos co muíño do Outeiro restaurado e situado no rego do mesmo nome, outros muíños no mesmo rego están en ruínas. Aquí os sinais están confusos, dando lugar a confusións. Este curto traxecto ao longo do regato, encóntrase en bastante mal estado, polo que en inverno coas chuvias, pola nosa banda, o consideramos algo perigoso.

Temos tamén un pouco de máis de asfalto, compensado co resto do traxecto que se fai por camiños, carreiros e pistas.